最近冇乜寫blog, 因為對眼依然係好易累, 要乖d盡量少用電腦. 不過我唔想個blog就咁停咗, 所以會間中寫吓. (其實我都好想寫架！)

作為一個成日睇衫和讀過吓英文的人, 我買咗以下呢件衫, 係本年度最失策之作！

你地睇唔睇到有咩問題？

呢件衫係公司附近買, 大減價$50兩件, $30一件, 拼上身照鏡, 衫身唔會太窄, 而且隻色幾colorful, 幾sharp吖, 好襯我浮誇的品味(), 我見另一件同款的藍色底黃色字都幾靚, 車工和布料都唔錯, 所以兩件買晒. 到畀錢時, 我都冇諗過要睇吓衫上的字寫乜喎!

好開心咁返到公司, 即刻拎件衫出來再睇吓, 呢個時候先突然睇到衫上寫乜, 哎呀, 啋！做乜寫d咁嘅字:

LIVE FAST DIE YOUNG?!!!

DIE YOUNG? 著咗咪咒自己英年早逝？(但口衰的同事M話唔怕, 因我唔係YOUNG喎, 頂！)

雖然我估設計者係想提醒人, 如果生活節奏太快太急, 就會早死, 而我的生活一向好悠閒, 應該唔怕, 但係著DIE YOUNG係身, 感覺一定唔好囉！我重打孖買咗兩件, 即係死多次?！點得呀！？

呢2件衫唔可以送畀人, 因為一定反面. 我本來諗住攞去換, 換一件背心都好吖.

但畀我諗多兩諗, 諗到辦法搞搞佢, 就係係個 DIE 字後面加 "T" 字，變成 DIET, 即係 LIVE FAST DIET YOUNG = 做人爽手D, 後生食少D:

自己縫D銀色絲帶上去, 搞掂！

都唔係第一次架啦, 有時買衫有咩唔啱心水, 我都會自己膽粗粗縫補補吓, 都幾好玩！